DÍA 13/04/2020

BO DÍA!!

XA ESTAMOS DE VOLTA!
COMO ESTADES?

😃

Antes do conto, gustaríame propoñervos algunhas rutinas a seguir cos peques de maneira diaria:

• Pequena asemblea onde se den os bos días, conversedes sobre como estades e que é o que lles gustaría facer hoxe (tomade nota, para poder incorporar as súas ideas ás vosas e así aproveitar os seus intereses). É moi importante que faledes todos os membros da familia e non só a criatura.

• Que día é hoxe?: tachar nun calendario o día no que vos atopades. Podedes formar o número do día que sexa con palillos, garabanzos, bloques de construcción...(ata o número que sexa capaz de contar cada peque)

• Que tempo vai?: podedes poñer varios botes co debuxo do tempo e meter unha boliña cada día correspondente ao tempo que vaia nese día. Ao final da semana, que conten e que averiguen onde hai máis, onde menos...

• Debuxarse a si mesmo/a de corpo enteiro e debuxar a cara (a modo de xogo, se se esquece dalgunha parte, podedes preguntarlle con que ve, escoita, anda...). Un día o corpo e outro día a cara. Respectando a etapa na que estea e sen forzar, animando a que continúe esforzándose.

• Formar o seu nome con letras magnéticas, pinzas ou escribídellas vós en papeliños para que as poidan ordear. Despois, os que queiran, poden escribilo.

• Actividades de autonomía persoal:

• Poñer e quitar os zapatos e as zapatillas sós
• Aprender a limpar uns zapatos
• Abrocharse sós
• Aprender a soarse o nariz correctamente
• Lavar os dentes
• Lavar a cara e as mans correctamente
• Cociñar en familia: cortar, remover, trasvasar alimentos, meter e sacar de botes...
• Poñer e quitar a mesa
• Tender prendas pequenas de roupa
• Pregar servilletas
• Axudar a facer a cama
• Recoller os xoguetes

(Como digo sempre, é totalmente voluntario, pero considero que son rutinas que favorecerán o seu desenvolvemento e a súa autonomía)


O conto de hoxe, é "Pequeno azul e pequeno amarelo" de Leon Lionni (Kalandraka).

Posibles actividades:

• Mesturar cores: neste caso meteremos cor amarela e azul nunha bolsa de plástico  (das que tedes para conxelados) e terán que probar a cor que lles sae. Podedelo facer con xel fixador e colorante alimentario ou témpera. Despois de facer o experimento, podedes probar a formar máis cores. Finalmente, podedes utilizar o experimento como se fose unha pizarra e que fagan as súas propias creacións.

• Repetir o patrón: podedes crear este xogo con folios de cores. Primeiro vós tocades dúas cores, e os peques terán que tocar os mesmos que tocastedes vós. Logo podesdes cambiar ou aumentar a máis cores dependendo da atención que mostre o cativo/a.

• O xogo do twister do que xa falamos máis veces
• Mover o esqueleto:

Que teñades un lindo día!

🌈