Ao longo deste trimestre, estivemos envoltos no proxecto do corpo humano. Para poder relacionarse co medio, primeiro temos que coñecernos a nós, como funcionamos, cales son as partes que conforman o corpo humano... para, desta maneira, orientarnos no espazo. Comezamos facéndonos preguntas, para así partir dos intereses das nenas e dos nenos e que a aprendizaxe resulte o máis significativa posible. Para responder a estas cuestións e a outras que foron xurdindo, realizamos as seguintes actividades: Pesámonos e medímonos: aprendendo a ler números dixitais, utilizando un metro, comparando resultados (quen pesa máis, quen mide menos, quen pesa igual...), facendo estimacións (quen pesará máis: a profe ou o noso compañeiro/a)? por que?) Realizamos un experimento para saber como funciona o noso aparello respiratorio e rexistramos o procedemento: Utilizamos materiais do medio natural para realizar obras de arte baseadas en siluetas humanas: Observamos radiografías para descubrir os ósos do...
