O mundo morado

 Chegou o fin do curso e con el, o fin dunha etapa emocionante e chea de descubrimentos... Pechamos o blog tal e como se iniciou, cunha gran festa onde poder compartir tempo, xogos, música e merendola cos amiguiños e amiguiñas! MOITA FELICIDADE NESTA ETAPA QUE COMEZARÁ EN SETEMBRO! GRACIÑAS POR TODO O VOSO CARIÑO! ATA SEMPRE! 💜💛💚💙💗

 Ao longo deste trimestre construímos un supermercado con material de refugallo co obxectivo de reforzar a competencia lóxico-matemática. A través do xogo simbólico, os pequenos e as pequenas aprenden a ler prezos, usar as moedas de euro, realizar pequenos cálculos a nivel mental, analizar anuncios de comida... Anímovos a que, cando fagades a compra no super, lles deixedes participar da actividade, preguntándolles canto custa tal producto, se nos chegan os cartos... porque non hai nada como a vida real para poder desenvolver as competencias curriculares!

Hoxe gozamos dunha marabillosa xornada co concerto didáctico da escola de música municipal de Moaña "Monstros por aquí... Monstras por alá". Pasámolo xenial!