"Camiñando cara o 2030"

"Camiñando cara o 2030" é o título do noso proxecto didáctico integrado (ou proxecto anual de centro) para este curso 2020-21. Estamos nun momento clave para entender que mellorar o planeta depende das nosas accións e o tipo de actividades que realizamos. Así pois, imos basearnos nalgúns dos obxectivos que a ONU estableceu na súa axenda para o 2030 para o noso punto de partida. Seguro que o camiño que imos recorrer vai ser impactante mais tamén estará cheo de ilusión e de propostas de cambio.

Aquí tedes a presentación que realizou sexto curso e que explica con detalle cada un dos obxectivos seleccionados para traballar este curso.

 

A través do mesmo, pretendemos fomentar no alumnado hábitos e actitudes de respecto e coidado ao medio ambiente. Desta ilusión nace a proposta dos “Eco-Retos” que consiste no seguinte:

Cada mes, haberá un Eco-Reto diferente que tratará accións encamiñadas a concienciar sobre algún aspecto relacionado cos obxectivos da Axenda 2030 para o desenvolvemento sostible (diminución de plásticos de un só uso, reciclaxe, eficiencia enerxética, hábitos de consumo responsable…). O alumnado terá un carné propio no que irá rexistrando os retos que vaia conseguindo ao longo deste curso.

O Eco-Reto do mes de Novembro é o seguinte:

 

Animámosvos a que participedes xunto coas infancias xa que o exemplo ten máis forza que as normas e isto é algo de toda a comunidade.