Estimulación da linguaxe: o sopro

Todas as semanas dedicamos unha sesión á estimulación da linguaxe oral. Se lles preguntades pola señora Lingua aos pequechos e ás pequechas, estou segura que vos saberán dicir quen é e o que fai.

Nestas últimas sesións, puxemos especial importancia á habilidade de soprar correctamente. Debemos ter en conta que o sopro é un dos prerrequisitos fundamentais para que a linguaxe poida adquirirse e desenvolverse correctamente xa que, o control e a forza do mesmo van favorecer o control da respiración no acto de falar, o entrenamento dos músculos faciais  que participan na fala e a execución axeitada dos diferentes fonemas.

Estas foron algunhas das actividades que fixemos:

• Soprar pintura cunha palliña:

• Batallas de pompóns por parellas:

• Facer pompas de xabón:

Comparto con vós máis actividades para que poidades xogar na casa. É moi importante que o sopro se produza na maneira correcta; é dicir, coa boca entreaberta e os beizos en forma de O. Outro aspecto fundamental á hora de realizar estos exercicios é coordinar a respiración (a inspiración debe ser nasal e a expiración bucal). E sempre sen esquecer o carácter lúdico, é un xogo non un deber, no momento que se cansen, hai que parar:

• desprazar papeliños a través dunha superficie soprando
• aproveitar o tempo de baño para soprar a espuma
• soprar unha vela
• xogar con pomperos
• soprar cun silbato
• facer circuitos con plasti e logo conducir unha boliña de pin pon