8-M: DÍA INTERNACIONAL DA MULLER

Para conmemorar o día Internacional da Muller, durante esta semana fixemos varias actividades cuxo obxectivo foi concienciar da igualdade de dereitos e oportunidades para todas as persoas.

• Da man do conto "Max e os superheroes",  dialogamos sobre a importancia que teñen as nosas nais na nosa vida, o que máis nos gusta delas e todas as cousiñas que fan por nós. Debo dicirvos que o que máis destacaban as criaturas foron os bicos, as apertas e os momentos nos que xogabades con eles/as. 

• Tivemos a sorte de ver o espectáculo de Raquel Queizás “Cinema de Historias, da man de Alice Guy”, no que a artista contou a historia desta muller que foi un exemplo de empoderamento feminino e ao longo da súa carreira desenvolveu tarefas de directora de cine, actriz, guionista...

• Lemos o conto de "Salvaje" e falamos sobre a importancia de ser diferentes e libres.

• Fixemos un mural no que experimentamos o que pasaba se mesturabamos azul e rosa e o cal  completarán os maiores do cole con diferentes propostas.

• Fixemos unha dinámica no que cada peque se tiña que colocar na cor que máis lle gustase (só había a opción de azul e a opción de rosa). Non é coincidencia que a maioría dos nenos escolleron o azul e a maioría das nenas o rosa... queda moito camiño por andar...

Por iso, despois escoitaron o seguinte conto que é un canto á liberdade de cada pequeno/a, que fala de que os patrones de xénero non deben aplacar a personalidade nin a creatividade de cada persoa, que non hai cores de nenos nin de nenas, hai cores que gustan nuns momentos e outros que gustan noutros.