Instalación con tubos, teas de cores e vasos de iogur

Desta volta, utilicei para facer a instalación: tubos de cartón, teas de diferentes cores e vasos de iogur. Pouco a pouco xa se van soltando máis nas súas creacións e estas deixan de ser tan individuais para se converter en obras conxuntas.

O conseguido sempre supera o esperado...

O que parece xogar por xogar, en realidade supón moito máis: experimentar con texturas, tamaños, materiais,  realizar hipóteses, deducir conclusións, relacionarse cos demais, superar conflitos, buscar solucións aos problemas que xorden...

E non nos esquezamos de que a última parte tamén é importante. Non só é recoller por recoller, senón clasificar o material nas diferentes caixas de ordenación, con todo o que iso supón a nivel lóxico.