O mundo morado

 Fai pouco máis dun mes, plantamos un bulbo que a profe nos dixo que era de tulipán (moita imaxinación tivemos que ter, para pensar que desa pelota marrón, ía saír o que ela dicía...) Durante este tempo, as Eco-Patrullas, encargábanse de regalos e vixiar que non lle fora ningún caracol. Ata que despois de mooooito agardar.... (esperar é algo que lles resulta super complicado) e prepararlle unha maceta preciosa... Tachán, medraron e a maioría, ata lles saiu a flor! É super importante, que vexan que non todo sucede de maneira instantánea, que as cousas levan tempo (e sobre todo o relacionado coa natureza). Evidentemente, non a todos/as lles saiu a flor, nin todas as plantas medraron ao mesmo tempo. E claro que se preguntaron o motivo e incluso houbo algún enfado, pero é que na vida, non todo sucede como a un lle gustaría e, aprender a tolerar esas pequenas frustracións lles servirá para que na súa vida adulta, se adapten con éxito a calquera circunstancia. Ah, e tamén expresamos de m...

 Hoxe comezamos a traballar no eco-reto deste mes... https://drive.google.com/file/d/19oP62IVPZzAnOIMN42Lcp5dSiQNpyUFf/view?usp=sharing Durante todo marzo, pesaremos a cantidade de plástico e papel que consumimos ao longo de cada día. Para, despois de facer cálculos, descubrir o que consumimos en todo o mes. Pero... para que, queremos facer isto? Moi sinxelo, para buscar a maneira de consumir menos plástico e papel. Será tarefa dos responsables de cada día. Animámosvos a realizalo nas vosas casas (podedes medilo, por exemplo, calculando cantos días necesitades para encher a bolsa do lixo).

 Déixovos un adelanto da murga do entroido que gravamos na radio 👇 https://www.youtube.com/watch?v=2pZ3WmZIuBE&feature=youtu.be No blog da biblio, tendes moito máis... https://ceipseara.blogspot.com/2021/02/celebramos-o-entroido.html

Hoxe, o lobo feroz deixounos un sobre no que había unha carta que contiña pistas sobre a protagonista do día: unha foto e unhas letras. Tivemos que indagar sobre quen era a muller da foto (onde vivía, a que se dedicaba, cantos anos tiña...) e descubrir o seu nome coas letras que nos deixara como pista. A profe de música, ensinounos unha canción e nos falou máis cousiñas sobre a vida de Rosalía de Castro. Entre todos/as interpretamos a canción! Anímovos a pasar polo blog da biblio para ver os demais cursos... http://ceipseara.blogspot.com/2021/02/feliz-dia-de-rosalia.html?m=1 Así a imaxinamos nós:

Como esta semana non puidemos ir á Biblio a polos contos, encargueime eu de buscarlles algúns títulos que lles gustaran.  Aproveitamos para facer unha actividade de creación literaria, que consistía no seguinte: Escollemos a portada que máis nos guste (sen abrir o libro nin ver o seu interior). Observamos con moito detalle o debuxo e o título da portada. Imaxinamos a resposta ás seguintes preguntas: quen será o protagonista, como se chamará, onde vive, con quen, que aventuras correrá.... Debuxamos o que acabamos de imaxinar. Inventamos un novo título. Velaquí algúns exemplos: Anímovos a que xoguedes cos pequechos/as a imaxinar novas historias a partires dunha portada, un título, unha personaxe... Algúns debuxarán, outros escribirán con algunhas letras que coñezan e outros, garabatearán... Non vos preocupedes, cada un vai ao seu ritmo e está evolucionando pouco a pouco, sen présas nin presións.  O importante é conseguir que amen a literatura, non que a aborrezan. 📖

 Aínda que estamos ante un ano atípico para moitas cousas, dende o cole procuramos que os pequenos e as pequenas se sintan ben emocionalmente. O Entroido é sinónimo de festa rachada, de contacto estreito e de imaxinación. Sabemos que este ano, tivemos que privarnos do segundo, pero poidemos aproveitar o que si está permitido. E ademais, todos/as cumplimos o Eco-reto de Febreiro!  Oxalá o ano que vén, poidamos celebralo moito máis. Vaite Coronavirus, vaite!

 Aproveitando as ordes da Meca... o día do mandil, fixemos "plastilina caseira". Algunhas fixeron pizzas de pepperoni... E outros crearon mensaxes secretas.... Foi super divertido!  Recórdovos a receita que traballamos previamente antes de poñernos mans á masa!