DÍA 14/05/2020

BO DÍA!!

COMO ESTADES?

😃


Hoxe toca facer un xogo de mesa ou de "chan". É moi doado de crear e divertido para xogar en familia. Ademais de que estaremos desenvolvendo capacidades como a atención, discriminación visual e auditiva, pensamento lóxico, rapidez mental, concentración... dunha maneira lúdica!
 Precisaremos:



O proceso de creación e explicación das normas do xogo, vainas explicar Florinda....

Por se non vos deu tempo a apuntar...

• Variante 0: xogar cun dado (ben sexa o das cores ou o das figuras).
• Tirar o dado e coller a figura xeométrica que corresponda ou a cor que saíra no dado.

• Variante 1: xogar cos dous dados de cores. 
• Se saen dúas cores diferentes: collemos a figura coa cor que non saíra nos dados.
• Se saen dúas cores iguais: collemos a figura coa cor dos dous dados.

• Variante 2: xogar cos dous dados de figuras xeométricas.
• Se saen dúas figuras diferentes: collemos a figura que non saíra no dado.
• Se saen dúas figuras iguais: collemos a figura que saíra nos dous dados.

• Variante 3: xogar cun dado de figura e o dado de cores.
• Se a cor que sae non se corresponde con ningunha figura, collemos a que sobre.
• Se a cor que sae si se corresponde coa figura, collémola.

*Recoméndovos, comezar pola variante 0 para observar se os peques identifican as cores e as figuras e unha vez comprobado afirmativamente, explicádeslles o resto das variantes por orde. 

Non é conveniente xogar a todas no mesmo día senón, ir incrementando a dificultade pouco a pouco.

E por suposto, xogar en familia, por turnos e non máis de 4 xogadores/as.

Contádeme que tal e se vos xuriu algunha dúbida 😊

---------------------------------------------------------------------------------------------------------------------

Esta idea xurdiu dun xogo que se chama "Flipolino" (Lúdilo). 

Eu adapteino para poder traballar os atributos lóxicos das figuras xeométricas. 

Póñoo debaixo por se alguén lle interesa:

Que teñades un lindo día!

🌈