DÍA 3/04/2020

BO DÍA!!

COMO ESTADES?

😃


O vídeo de hoxe só ten como obxectivo animar e conseguir algunha que outra risa (inclusive dos maiores 😜 )

Para a semana que vén toca descanso de contos, aínda que vos animo a que preparedes vós algúns e os mandedes aos vosos seres queridos (inclúome entre eles, jiji). Voltarán o 13 de abril se a situación continúa así.

Non obstante, déixovos algunhas ideas para facer cos peques esta semana (coma sempre, voluntarias e opcionais):

• Ler, contar, inventar contos.

• Facer quebracabezas. Se xa se saben todos os que tendes por casa de memoria, nesta páxina web podedes facelos personalizados (coa foto que queirades e o número de pezas adaptado a cada peque) 

  https://www.jigsawplanet.com/

• Xogar a xogos de mesa.

• Practicar Mindfulness ou "atención plena": este é un programa que podedes descargar  https://web.minilandgroup.com/descarga-gratis-mindful-kids

• Xogo dos calcetíns desemparellados: a primeira parte será buscar por toda a casa pares de calcetíns e levalos a un sitio onde teñades un espazo considerable. Cando estean todos,  desemparelládelos e os botades polo chan. Mesturades ben e os peques teñen que atopar a parella correspondente.

• Cos calcetíns tamén podedes facer marionetas para un teatrillo e que inventen as súas propias historias. Ou tamén podedes pintarlles as mans.

• Facer alfombras de texturas con material que teñades por casa. Poden pasar descalzos cos ollos tapados e no caso de que se atrevan, pechar os ollos e adiviñar a textura.

• Circuítos motrices con obxectos da casa:

• Celebrar algún día unha festa: preparar unha comida e un postre (que é o máis importante, jijij) que vos guste a todos/as, poñer a mesa bonita,  vestirse ben guapos/as. Despois de comer, bailar xuntos.

• Facer sesións de cine con palomitas en familia.

• Realizar pequenas reunións en familia e falar do que sentimos, se necesitamos máis espazo para nós ou como podemos solucionar algún problema.

• Aburrirse un pouco de vez en cando que non pasa nada e vén moi ben

Se tedes algunha dúbida, estarei ao outro lado da pantalla. Só é necesario mandar un mail a:

morado.seara@gmail.com.

Estarei encantada de lervos, escoitarvos ou vervos.

MOITO ÁNIMO QUE O ESTADES FACENDO XENIAL FAMILIAS!

Bótovos de menos

Que teñades unha bonita semana

🌈