Vivan as castañas!

Este venres tivemos a sorte de que o sol nos deixara desfrutar do Magosto que levabamos preparando durante toda esta semana!

Fixemos unhas cestiñas con material de refugallo...

Que nos levaron moito tempo e paciencia... 

Primeiro había que picar a cartolina, logo pintala e decorala como máis nos gustase.

Tamén aproveitamos este material natural para facer xogos de razoamento lóxico... onde hai máis, onde menos, "máis que.."/"menos que..."

Realizamos xogos psicomotrices, converténdonos en esquíos que tiñan que ir collendo as castañas segundo a norma e levalas para a súa casiña.

Ao final, todos tiñan que cooperar para poñer a salvo a súa comida antes de que viñera a tormenta... E o conseguiron!

Finalmente, con lume listo e as cestiñas na man, comemos cantas castañas quixemos e xogamos ata non poder máis!